Um mitt ár 2013 hófum við Bragi Bragason gítarleikari samstarf við laga og textasmíðar. Snemma um haustið dróum við síðan Björn Þór Jóhannsson gítarista inn í það samstarf og í framhaldi af því bættust Árni Þráinsson bassaleikari og Stefán Örn Sveinsson trommari í hópinn. Það kom strax í ljós að samstarfið yrði skemmtilegt og gefandi og á innan við ári var hljómsveitin Collective komin með 12 eðal 'prog metal' lög til flutnings.

Haustið 2018 kom fyrsta 10 laga afkvæmið, breiðskífan 'Truth Awaking' í heiminn.

Skoða vef Collective

Hljómsveitin Duplex hefur gert það gott á pöbbum landsins undanfarin ár. Hljómsveitin kemur fram sem hybrid dúett eða tríó og státar sig af því að geta spilað allt það sem stórar ballhljómsveitir spila.

Hljómsveitin kemur ekki fram sem 'trúbadorar' sem slíkir, heldur sem fullbúin hljómsveit og getur í raun spilað flest það sem stærri hljómsveitir geta spilað með talsvert minna umstangi og tilkostnaði.

Rokk, popp, diskó, soul, blús, djass, kántrí, kokkurinn, gömlu dansarnir. Þessir kumpánar spila þetta allt og geta þar að auki séð um veislustjórn, dinnertónlist, brekkusöng, brúðkaup, skírnarveislur, afmæli og fleira. Allt frá 20 mínútna sérsniðnum prógrömmum upp í þriggja tíma böll.

Skoða vef DupleX

Hljómsveitin Góðir Landsmenn er danshljómsveit af bestu gerð sem var stofnuð 2005 og hefur notið sívaxandi vinsælda á ballmarkaði.

Við bjóðum upp á mjög fjölbreytt, gott og skemmtilegt lagaval sem hefur virkað gríðarlega vel á böllum. Við spilum lög úr öllum áttum bæði ný og gömul, íslensk og erlend, og erum með gott úrval af 80´s lögum ásamt fullt af öðru skemmtilegu enda viljum við að allir geti skemmt sér með okkur óháð aldri, lagalista má sjá hér á ofar á síðunni.

Við erum 6 manna stuð band með 2 frábæra söngvara (karl og konu), mannskap með mikla reynslu af alls kyns spilamennsku og höfum spilað bæði hérlendis og erlendis. Við getum tekið að okkur stóra sem smáa viðburði hvort sem um er að ræða árshátíð, bjórkvöld, brúðkaup, skólaball, þorrablót eða hvað sem er.

Skoða vef Góðra Landsmanna

Hljómsveitin Útópía kom saman á Frönskum Dögum á Fáskrúðsfirði árið 2014, eftir rúmlega 20 ára hlé. Strákarnir náðu að taka 2 léttar æfingar hálfmannaðir en vöðvaminnið lætur ekki að sér hæða ;)

Hér komu saman á ný:
Jónas Friðrik (búsettur í Reykjavík) - Söngur
Jóhann Midjord (búsettur í Skagafirði) - Trommur og slagverk
Júlíus Garðarson (búsettur í Kaupmanahöfn) - Bassi og raddir
Hlynur Jökulsson (búsettur í Noregi) - Gítar og raddir
Haraldur Leo Pétursson (búsettur í Austurríki - Hljómborð og raddir