Hljómsvetin Duplex hefur gert það gott á pöbbum landsins undanfarin ár. Hljómsveitin kemur fram sem hybrid dúett eða tríó og státar sig af því að geta spilað allt það sem stórar ballhljómsveitir spila.

utopiaHljómsveitin Útópía kom saman á Frönskum Dögum á Fáskrúðsfirði árið 2014, eftir rúmlega 20 ára hlé. Strákarnir náðu að taka 2 léttar æfingar hálfmannaðir en vöðvaminnið lætur ekki að sér hæða ;)

collective-smUm mitt ár 2013 hófum við Bragi Bragason gítarleikari samstarf við laga og textasmíðar. Snemma um haustið dróum við síðan Björn Þór Jóhannsson gítarista inn í það samstarf og í framhaldi af því bættust Árni Þráinsson bassaleikari og Stefán Örn Sveinsson trommari í hópinn. Stefán Örn ákvað að yfirgefa okkur sumarið 2015 og eftir talsverða leit að trommara sem hafði getu og vilja til að spila tónlistina okkar og hefði auk þess það furðulegan húmor að hann gæti hangið með okkur, bættist Sverrir Páll Snorrason í hópinn haustið 2015.

Það kom strax í ljós að samstarfið yrði skemmtilegt og gefandi og á innan við ári var hljómsveitin Collective komin með 12 eðal 'prog metal' lög til flutnings.

godirlandsmenn-smHljómsveitin Góðir Landsmenn er danshljómsveit af bestu gerð sem var stofnuð 2005 og hefur notið sívaxandi vinsælda á ballmarkaði.

Við bjóðum upp á mjög fjölbreytt, gott og skemmtilegt lagaval sem hefur virkað gríðarlega vel á böllum. Við spilum lög úr öllum áttum bæði ný og gömul, íslensk og erlend, og erum með gott úrval af 80´s lögum ásamt fullt af öðru skemmtilegu enda viljum við að allir geti skemmt sér með okkur óháð aldri, lagalista má sjá hér á ofar á síðunni.

Við erum 6 manna stuð band með 2 frábæra söngvara (karl og konu), mannskap með mikla reynslu af alls kyns spilamennsku og höfum spilað bæði hérlendis og erlendis. Við getum tekið að okkur stóra sem smáa viðburði hvort sem um er að ræða árshátíð, bjórkvöld, brúðkaup, skólaball, þorrablót eða hvað sem er.